- +389 70 230 793
- kontakt@roamaround.mk
- 10:00 - 18:00
- Петричка 6, Центар, Скопје, Македонија
Земјата на огнот и мразот по најниска цена!
Поаѓање од Скопје во 13:55ч. , преседнување во Виена и лет до Исланд. Пристигнување во Исланд околу 23:50ч. по локално време.
Нашата прва авантура во Исланд започнува со Златниот Круг (Golden Circle). Го посетуваме Националниот Парк Тингвелир, чекориме помеѓу тектонски плочи на два континента, се восхитуваме на уникатниот гејзер и го посетуваме импресивниот водопад Гулфос. Секако дека ќе дегустираме од најубавиот Исландски хот-дог и ќе пробаме сладолед од најстарата продавница во Исланд! 🙂 После враќањето во хотел и мала пауза за одмор, имаме предвидено уште еден факултативен излет – Прошетка низ Рејкјавик – ги истражуваме шарените улички на градот, јадеме од најубавата Исландска супа во леб, ја посетуваме импресивната црква Hallgrimskirkja и уживаме. Времетраење на излетот е 8 часа + прошетка низ Рејкјавик
Нов ден, нова авантура! Овој ден е резервиран за истражување на најубавиот дел од Исланд – Јужниот Брег. Ги посетуваме најубавите водопади (Seljalandsfoss и Skogafoss), чекориме под најуникатниот водопад во пештера – Gljúfrabúi, потоа чекориме низ најубавите црни плажи на светот – Reynisfjara и Vikurfjara, се доближуваме блиску до еден од најголемите глечери во Исланд – Sólheimajökull а потоа правиме пауза за ручек во најјужното градче во Исланд – Вик. По пат се восхитуваме на најубавите пејзажи, возиме покрај океанот и посетуваме уште мноогу други места кои се наоѓаат по нашата рута! Целодневен излет.
Овој излет е вистинско авантуристичко доживување! Едно од најуникатните искуства во животот е дефинитивно гледањето на китови во Исланд. Ги набљудуваме најголемите суштества на планетата. Ова утро, го слушаме капетанот како не води низ водите на Северниот Атлански Океан, дишеме чист океански воздух и уживаме во погледот кон фјордовите. Доколку имаме среќа на оваа тура ќе видиме и делфини 🙂
Наутро правиме check-out од хотел, имаме предвидено индивидуално слободно време од неколку часа за купување на сувенири, пиење на кафе во Рејкјавик и уживање во последниот ден. Во попладневните часеви сите заедно се упатуваме кон термалната бања Blue Lagoon, каде што го поминуваме остатокот од времето пред лет – во млечно сината вода на најубавата лагуна во светот.
*Термалната бања е голем комплекс, во кој има достапни соблекувални, тушеви, тоалети, 3 ресторани, 3 барови…
Поаѓање кон Скопје кратко после полноќ, преседнување во Виена и лет до Скопје. Пристигнување во Скопје во раните утрински часови.
Пакетот факултативни излети е со голема препорака од нас! Се што треба да видите од Исланд на едно место. Прошетајте низ шарените улички на главниот град Рејкјавик, уживајте во магичните природни пејзажи на Златниот Круг (Golden Circle), убавините на Јужниот Брег и релаксирајте се во термалната бања Blue Lagoon.
Што е вклучено:
*Прошетка низ Рејкјавик
*Посета на Golden Circle (Национален Парк Тингвелир, гејзер, водопад)
*Посета на Јужен Брег (водопади, црни плажи, глечери, пејсажи)
*Термална Бања Blue Lagoon (влезница, пешкир, еден пијалок и маска за лице)
Доколку во моментот на турата има активен вулкан, тогаш ја имате најлудата прилика во животот – да летате со хеликоптер над вулкан кој еруптира!!
Едно од најуникатните искуства во животот е дефинитивно гледањето на китови во Исланд! Неколку часа пловиме по импресивниот Атлански Океан, уживаме во погледот кон магичните фјордови и се восхитуваме на различните видови на китови кои ќе имаме прилика да ги видиме во текот на оваа тура. Времетраење на излетот е 3 часа.
Нашиот хотел е сместен на одлична локација — блиску до самиот центар на Рејкјавик и на само неколку чекори од океанот. Во непосредна близина ќе најдете сè што ви е потребно: маркет, пријатни кафулиња и различни ресторани. Појадокот е вклучен во престојот.
Доколку сакате да бидете сместени во соба од повисока класа, достапна е надградба во Superior Room со доплата од вкупно 70 евра. Оваа соба е пространа, модерно реновирана и елегантно уредена, нудејќи дополнителна удобност и пријатна атмосфера за време на престојот.
За резрвација е потребна уплата од 300 евра / по лице, а остатокот можете да го доплатите како вас ви одговара, најдоцна 15 дена пред поаѓање. Во цената е вклучен појадок во хотел. Доколку патувате сами и сакате да бидете во еднокреветна соба се доплаќа дополнителна сума од 199 евра. Доколку патувате сами и не сакате да доплатите дополнително за да бидете сами во соба тогаш по известување ќе бидете сместени во двокреветна соба со друг соло патник. Доколку се согласите да престојувате во двокреветна соба со друг патник, Роам Ароунд МК не одговара за никакви потешкотии за време на нашите авантури. Оваа тура е наменета за сите патници, без разлика на возраста. Во текот на турата нема дополнителна физичка активност или многу пешачење. Оваа тура е креирана за да можете максимално да се релаксирате, да го истражите Исланд со бавно темпо и да се вратите назад со милион спомени! 🙂