Поаѓање од Аеродромот во Скопје во 12:30, преку Виена летаме за Шангај.

Пристигнуваме во Шангај околу 17:30. Со организиран превоз се упатуваме од аеродромот кон нашиот хотел и одмараме од долгиот пат. 

Замисли ден што започнува со утринска прошетка низ живописните улички на еден од најдинамичните градови во светот. Шангај те дочекува со своите контрасти – древни пагоди покрај огледала од стакло, мирис на темјан што тивко се меша со аромата на свежи чаеви и улична храна.

Ќе се восхитиш на елеганцијата на старата француска концесија, ќе прошеташ низ бујните градини и автентичните пазари, а потоа ќе застанеш на легендарниот Бунд – каде реката Хуангпу раскажува приказна за еден град што никогаш не престанува да сонува.

Секој чекор е фотографија. Секоја сцена – разгледница.
Ова не е обична прошетка низ град – ова е доживување што останува во срцето.

Xitang е едно од најубавите водени гратчиња во Кина, познато по своите канали, стари куќи и тесни улички што водат покрај водата. Само на час и половина од Шангај, ова место нуди мирна атмосфера, совршена за прошетка, фотографирање и уживање во традиционална кинеска архитектура.

Ќе шетаме по старите мостови, ќе вкусиме локални закуски и ќе имаме слободно време за кафе покрај каналот или кратка возбудлива вожња со чамец. Ситан е совршено место за бегство од градската врева и запознавање со едно поавтентично лице на Кина.

Со организиран трансфер се упатуваме кон главната железничка станица во Шангај. Се качуваме во Брз Воз кој ќе не однесе до Пекинг! Ова е искуство кое мораш барем еднаш да го почувствуваш на своја кожа!

Во Пекинг со организиран трансфер, се транспортираме од Железничката до Хотелот и одмараме!

Овој ден го посветуваме на срцето на кинеската историја и култура. Ќе започнеме со прошетка низ Тјенанмен, најголемиот плоштад во светот и симбол на модерна Кина, каде се наоѓаат важни обележја како Маузолејот на Мао и Народниот конгрес.

Потоа влегуваме во спектакуларниот Забранет град – поранешната царска палата со над 900 згради, со вековна архитектура и богата историја што го прави едно од најимпресивните места во светот.

Екскурзијата ја заокружуваме со искачување на ридот во Паркот Џингшан, од каде се отвора панорамски поглед на целиот Забранет град – совршено место за фотографии и краток одмор.

Овој ден е резервиран за две од највеличествените знаменитости на Кина.
Утрото го започнуваме со посета на едно од највпечатливите и најдобро зачувани делови на Кинескиот Ѕид – симбол на упорност и истрајност, долг над 20.000 километри. Ќе имаме време за прошетка, фотографирање и уживање во спектакуларните пејзажи кои се простираат до хоризонтот.

По пауза за ручек, продолжуваме кон Летната палата, поранешното летно прибежиште на кинеските цареви. Ќе прошетаме покрај прекрасното езеро Кунминг, ќе ги видиме раскошните павилјони и ќе ја почувствуваме спокојната убавина што царувала овде со векови.

Совршен баланс помеѓу природа, архитектура и историја – оваа тура ги прикажува двете лица на кинеското наследство: моќта и елеганцијата.

✨ На овој факултативен излет заедно ќе ги посетиме некои од најпознатите симболи на Пекинг!

⛩️ Temple of Heaven –  древен комплекс од храмови кој некогаш го користеле кинеските императори за молитви и церемонии, денес едно од најзначајните историски места во Кина.

🕯️ Lama Temple – еден од најубавите и најпознати будистички храмови во Пекинг, познат по мирната атмосфера, богатата декорација и огромната статуа на Буда.

🍗 А за крај – ќе уживаме во познатата Peking Duck, едно од најтрадиционалните и најпознати кинески јадења кое е вистински must try во Пекинг! 🥢

Уживаме во овој магичен град! Купуваме сувенири и јадеме кинеска улична храна. Денес е ден за да се заљубиме во еден од најдревните градови на светот!

Во раните утрински часови, со организиран трансфер се упатуваме кон Аеродромот во Пекинг и поаѓаме накај Скопје.

Пристигнуваме во Скопје истиот ден.