- +389 70 230 793
- kontakt@roamaround.mk
- 10:00 - 18:00
- Петричка 6, Центар, Скопје, Македонија
⚠️ Мароко по НАЈНИСКА ЦЕНА НА БАЛКАНОТ! ⚠️
МАРОКО – ЗЕМЈАТА КАДЕ ШТО ПУСТИНАТА РАСКАЖУВА ПРИКАЗНИ!
Нашата тура е создадена за патници кои сакаат да ги видат најубавите делови на Мароко, да ја почувствуваат локалната култура и да го доживеат најдоброто од историјата, урбаниот дух и традицијата.Ова патување е создадено за луѓе што сакаат да видат повеќе, да почувствуваат подлабоко и да се вратат дома побогати со искуства што остануваат засекогаш.
Првите чекори во Маракеш се како влез во друга димензија – град на традиција, мистичност и архитектура што плени. Секоја улица носи нова приказна, секоја боја нова енергија. Ова е град што пулсира со боја, енергија и традиција, а мирисите на зачини, шарените базари и ориенталната архитектура создаваат атмосфера каква што нема на друго место.
Ова не е само патување.
Ова е доживување што секој патник треба да го искуси!
Поаѓање од Скопје, кратко преседнување и пристигнување во Маракеш. Се сместуваме во хотел и одмараме од патот.
Нашата авантура во Маракеш започнува со прошетка низ Медината на Маракеш, лавиринт од тесни улици полни со живот и историја, каде локалните мајстори создаваат кожни производи и уникатни ракотворби. Потоа ја посетуваме раскошната палата Bahia Palace, со извонредни мозаични детали, дрвени резби и мирни градини, а потоа се восхитуваме на гробниците Saadi, некропола од 16 век каде секој камен раскажува приказна од минатото. Следува El Badi Palace, некогаш сјаен дворец кој и денес плени со својата величина и историја.
Се восхитуваме на импресивната џамија Koutoubia Mosque, чиј минарет доминира над градскиот хоризонт, а турата завршува на легендарниот Jemaa el-Fnaa, плоштад полн со улични уметници, ароми на зачини и енергија што го прави Маракеш незаборавен. Во Маракеш не се шетате само низ град – го доживувате со сите сетила, чувствувате пулс на традицијата и модерното, и секој чекор ве носи подлабоко во душата на Мароко.
Нашата авантура нè води кон Ouzoud Waterfalls, спектакуларен водопад висок 110 метри, кој се спушта низ зелени маслинови градини и создава магична атмосфера. Каскадите се обвиени во сјајни виножита, а мирот и свежината на природата ве повикуваат да уживате во секој момент. Овој природен бисер нуди совршена комбинација на убавина и спокој, идеален за фотографирање и доживување на вистинската душа на мароканската природа.
Уживаме во неверојатни панорамски погледи на планините Атлас, посетуваме традиционални берберски села и живописни долини. Ги истражуваме тивките планински патеки, и се восхитуваме на културата и гостопримството на локалното население. Ова е едно од највпечатливите природни богатства на Мароко.
Добредојде во Essaouira – улички полни боја, мирис на океан и звуци од пристаништето. Го чувствуваме песокот под стапалата на плажата, брановите се играат со нас, а сонцето ги прави моментите совршени за слики кои веднаш сакаме да ги споделиме. Ден за chill, смеење и едноставно уживање заедно.
Наутро правиме check out од Хотел, ги оставаме куферите на рецепција и имаме цел ден за да се збогуваме со Маракеш. Трансфер од Хотел до Аеродром околу 18:00.
Пристигнување во Скопје во раните утрински часови.
Пакетот факултативни излети го препорачуваме на сите патници кои сакаат максимално да ја истражат оваа дестинација. Се што треба да видите од Мароко на едно место. Истражи го Мароко, посетија пустината Агафај, пливај во Атланскиот океан и восхитувај се на Атлас Планините.
Што е вклучено:
Хотелот е на централно подрачје со 3* по локална категоризација. Услугата е на база ноќевање со вклучен појадок. Сликите служат само за пример на сместувањето.
ЗА МАКЕДОНСКИ ДРЖАВЈАНИ ПОТРЕБНА Е ВИЗА ЗА ВЛЕЗ ВО МАРОКО! Нашата агенција има посредувачка улога во процесот на визирање, по резервација ќе бидете известени за процесот на визирање. За резрвација е потребна уплата од 300 евра / по лице, а остатокот можете да го доплатите како вас ви одговара, најдоцна 15 дена пред поаѓање. Во цената е вклучен појадок во хотел. Доколку патувате сами и сакате да бидете во еднокреветна соба се доплаќа дополнителна сума од 299 евра. Доколку патувате сами и не сакате да доплатите дополнително за да бидете сами во соба тогаш по известување ќе бидете сместени во двокреветна соба со друг соло патник. Доколку се согласите да престојувате во двокреветна соба со друг патник, Роам Ароунд МК не одговара за никакви потешкотии за време на нашите авантури. Оваа тура е наменета за сите патници, без разлика на возраста. Во текот на турата нема дополнителна физичка активност или многу пешачење.