Нашата авантура започнува со поаѓање од аеродромот во Скопје. Преседнување во Истанбул и лет до Порто. Со организиран превоз се упатуваме кон нашиот хотел во Порто.

Денес го истражуваме шармантниот Порто – градот на шарените фасади, тесните улички и прекрасните погледи кон реката Дуро! Прошетуваме низ историскиот центар, ја посетуваме познатата Ribeira, легендарниот мост Dom Luís I и некои од најубавите точки во градот. Секако, оставаме време и за чаша познато Porto вино со поглед кој се памети! 🍷

Се одјавуваме од хотел во раните утрински часови. Со организиран трансфер се упаатуваме кон Аеродромот во Порто и се качуваме на авион до Мадеира. Пристигнуваме на Мадеира и со организиран трансфер се упатуваме кон нашиот хотел на Мадеира.

Денот ни започнува со пешачка прошетка низ главниот град на Мадеира – Фунчал. Се шетаме низ шарените улички и уживаме во магичниот поглед кон океанот. Го посетуваме центарот на градот, најшарениот пазар со тропско овошје и се движиме кон стариот дел на градот. Нашата следна точка – возење со најпознатата жичара на Мадеира! Авантуристичко искуство од 20 минути што нè носи над зелените ритчиња до една од највпечатливите тропски градини на островот. Уживаме во највпечатливата тропска градина на Мадеира – Monte Palace, опкружени со егзотична природа и ретки растенија што ќе ви ги разбудат сите сетила. А потоа, како совршен завршеток – дегустација на прочуеното мадеиранско вино. Искуство што се памети!По завршување на факултативниот излет, следува слободно време во Фунчал – идеална можност за вкусен ручек, кафе со поглед или индивидуална прошетка низ градот.

Третиот ден е резервиран за нови авантури, односно го посетуваме цел западен дел на Мадеира. Денот започнува со посета на еден од најпознатите барови за понча на цел остров каде што заедно ќе научиме како се прави традиционалниот пијалок и ќе дегустираме. Следна точка се природните вулкански базени во Porto Moniz, каде што ќе имаме пауза од неколку часа за ручек, пливање и релаксација. Ја посетуваме најпознатата црна плажа на Мадеира – Seixal Beach. Потоа се упатуваме кон волшебната шума Fanal – заштитена од UNESCO и позната по своите искривени дрвја и мистична магла. Сместена на 1300 метри надморска височина, оваа шума изгледа како сцена од филм и нуди незаборавно доживување во срцето на природата.

Враќање во хотел и слободно време за одмор.

Четвртиот ден е резервиран за нови авантури, односно го посетуваме цел западен дел на Мадеира. Денот започнува со посета на малото рибарско селце Camara de Lobos, омиленото место на познатиот Черчил. Ја посетуваме најпрестижната винарија на Мадеира каде што ќе имаме прилика да дегустираме од најубавото Мадеирско вино. Потоа се упатуваме кон највисокиот sea cliff (морска карпа) во Европа – Cabo Girão, каде што ќе уживаме во магичните погледи кон океанот.  Следно уживаме на најубавата портокалова плажа во Calheta! Правиме подолга пауза од неколку часа за ручек, плажирање, пливање во океан и дружење.

За крај, го посетуваме водопадот Cascata dos Anjos кој паѓа директно на патот. Правиме незаборавни фотки и потоа се враќаме во хотел.

Петтиот ден е резервиран за најубавите планински врвови, природа и видиковци!Утрото го започнуваме со возење до еден од највисоките врвови на Мадеира – Pico do Arieiro (1800м), каде ќе уживаме во спектакуларни панорамски погледи, ќе прошетаме по планинските патеки и ќе го испиеме кафето со најубавата глетка што можете да си ја замислите. Ја посетуваме последната фабрика за рум од шеќерна репка во Европа, дегустираме од румот и уживаме на спектакуларна сурферска плажа. Потоа го посетуваме малото гратче Сантана, кое ќе ве освои со своите шарени куќички и неповторливи, шармантни глетки. Правиме подолга пауза за ручек. Следно посетуваме два неверојатни видиковци, со поглед кој изгледа како да е од филм – Miradouro do Guindaste и Ponta do Rosto São Lourenço.За крај, денот го завршуваме со плажирање на портокаловата плажа во Machico, која има прекрасни пејзажи кои наликуваат како да се наоѓате на Хаваи. Враќање во хотел.

Во утринските часови со организиран трансфер се упатуваме кон Аеродромот на Мадеира.

Се качуваме на авион до Лисабон. Пристигнуваме и со организиран трансфер се упатуваме кон нашиот хотел во Лисабон. Слободен Ден за одмор од летот.

Денес го истражуваме шармантниот Лисабон – градот на жолтите трамваи, шарените фасади и прекрасните погледи кон реката Тежо! Прошетуваме низ историскиот центар и живописната Алфама, ги посетуваме најпознатите плоштади и видиковци и ја чувствуваме вистинската португалска атмосфера. Секако, оставаме време и за познатиот Pastel de Nata! ✨

Поаѓање од Лисабон кон Скопје. Со преседнување во Истанбул, пристигнуваме во Скопје во попладневните часови. Крај на патувањето.