По краток состанок на групата на аеродромот во Скопје, поаѓаме за Њујорк. Пристигнуваме истиот ден и се упатуваме кон нашиот хотел.

Денот го започнуваме со пловење до Статуата на слободата и Ellis Island, а потоа се враќаме во срцето на Менхетен. Ќе застанеме кај легендарниот Charging Bull, ќе прошетаме по Wall Street, ќе ја видиме New York Stock Exchange, а потоа продолжуваме кон 9/11 Memorial и One World Trade Center. Денот го завршуваме на легендарниот Brooklyn Bridge, со поглед кон еден од најпознатите skyline-и во светот. 🗽

Денес го доживуваме Њујорк баш онака како што сме го гледале на филмовите!

Денот го започнуваме со прошетка низ легендарниот Central Park, а потоа покрај познатиот Plaza Hotel – најпознатиот хотел од филмовите Home Alone! Правиме прошетка низ култната 5th Avenue, која во празничниот период изгледа магично.

Продолжуваме кон St. Patrick’s Cathedral и Rockefeller Center, каде нè очекуваат огромната новогодишна елка, лизгалиштето и една од најпознатите празнични сцени во светот.

Следуваат прекрасниот Grand Central Terminal и Bryant Park Winter Village, со празнични куќички, светилки и вистинска њујоршка зимска атмосфера. А за крај – Times Square! Огромни светлечки билборди, жолти такси возила и енергијата на градот кој никогаш не спие.

Денес го откриваме Њујорк од сосема поинаква перспектива! Денот го започнуваме со панорамско возење со жичарата Roosevelt Island Tramway, од каде ќе уживаме во поглед кон Менхетен додека се движиме високо над East River.

Потоа продолжуваме кон легендарниот American Museum of Natural History, познат и како музејот од Night at the Museum. Нè очекуваат огромни скелети од диносауруси, T-Rex, синиот кит, метеорити и неверојатни поставки кои нè носат милиони години назад во времето. 🦖

Вечерва нè очекува моментот за кој дојдовме во Њујорк, дочек на Новата година во срцето на Менхетен, на легендарниот Times Square! 🗽🎉

Илјадници светилки, огромните билборди, музика, конфети и луѓе од целиот свет создаваат атмосфера која барем еднаш во животот мора да се доживее. Ќе бидеме дел од една од најпознатите новогодишни прослави во светот и заедно ќе ги одбројуваме последните секунди до полноќ.

10… 9… 8… HAPPY NEW YEAR FROM NEW YORK! 🥂✨

Нова година, Manhattan и Times Square, дочек кој дефинитивно нема да го заборавиме! ❤️

Први Јануари е, одмори од вчера.. 🙂

Се одјавуваме од хотел и го имаме целиот ден да се поздравиме со градот кој никогаш не спие. Околу 20:00 се упатуваме кон аеродром.

Сo Turkish Airlines се упатуваме кон Скопје, преку Истанбул. Пристигнуваме во Скопје во 19:55.