Поаѓање од Аеродромот во Скопје. Летаме преку Истанбул со Turkish Airlines.

Пристигнуваме во Хо Ши Мин  околу 16:00ч. и со организиран трансфер се упатуваме кон нашиот хотел во срцето на Хо Ши Мин. Се сместуваме во хотел и имаме слободно време за одмор.

Подгответе се за вистинско урбано доживување! За време на прошетката низ Хо Ши Мин – енергичната метропола на Виетнам – ќе ги откриеме највпечатливите знаменитости и ќе ја почувствуваме пулсирачката душа на градот. Ќе прошетаме покрај француската колонијална архитектура, ќе ја посетиме Катедралата Нотр Дам и старата пошта, а потоа ќе се изгубиме низ шарените улички на пазарчето Бен Тхан, каде што ќе вкусиме вкусна улична храна – топол ‘pho’, ‘banh mi’ во рака и како вистински локалци, ќе пиеме силно виетнамско кафе со лед на ниска пластична столица покрај улица и ќе го доживееме градот како вистински локалци!

После прошетката низ градот, се враќаме назад во хотел. Слободно време за одмор.

Подгответе се за авантура која ќе ве врати назад во времето! Ќе ги истражиме познатите Ку Чи тунели – подземна мрежа долга повеќе од 200 километри, која виетнамските партизани ја користеле како засолниште и база за време на Виетнамската војна. Овие тесни, мистични тунели кријат неверојатни приказни – под земја се наоѓале кујни, болници, училници, па дури и простории за состаноци – сè што било потребно за живот и отпор. Ќе се спуштиме под земја и лично ќе доживееме колку била предизвикувачка секојдневната реалност на борците. За љубителите на историја и автентични искуства – ова е излет кој нема да го заборавите!

По завршување на излетот, враќање во хотел и слободно време.

Доживејте ја магијата на Меконг делта, регионот каде што животот пулсира по вода! Ќе отпловиме со традиционални дрвени чамци низ лавиринт од канали и рекички, опкружени со палми, оризови полиња и насмевки од локалните жители. Ќе го посетиме еден од прочуените пловечки пазари, ќе вкусиме свежо овошје директно од градините, и ќе откриеме како изгледа секојдневниот живот во руралниот Виетнам – тивко, автентично и полно со душа. Ова е излет што ќе ве однесе подалеку од градската врева и ќе ви открие едно сосема поинакво, органско лице на земјата – онаму каде времето навистина запира.

По завршување на излетот, враќање во хотел и слободно време.

Наутро се упатуваме кон аеродромот во Хо Ши Мин и летаме кон тропскиот рај, островот Phu Quoc. По пристигнувањето, следува трансфер до нашето сместување, а потоа слободно време за одмор и уживање на плажа.

Тиркизно море, тропски острови, свежа виетнамска храна и цел ден под сонце. ☀️🌊

Со брод ќе посетиме неколку острови околу Phu Quoc, ќе уживаме во капење, плажи со бел песок и кристално чисто море. 🌴✨

Ден создаден за опуштање, уживање и вистинска тропска атмосфера. 🐚

Слободен ден за уживање на тропскиот рај – Phu Quoc! Искористете го времето за опуштање на белите песочни плажи, капење во кристално чистата вода или истражување на околината. Овој ден е совршен за релакс, коктели под палми и полнење батерии.

Слободен ден за уживање на тропскиот рај – Phu Quoc! Искористете го времето за опуштање на белите песочни плажи, капење во кристално чистата вода или истражување на околината. Овој ден е совршен за релакс, коктели под палми и полнење батерии.

Во попладневните часови, со организиран трансфер се упатуваме кон аеродромот во Phu Quoc. Од таму со краток локален лет се враќаме назад во градот Хо Ши Мин. Трансфер до нашиот хотел во центарот на градот каде што преноќуваме. 

Во утринските часови се упатуваме кон аеродромот во Хо Ши Мин и летаме назад кон Софија. Летовите се преку Истанбул, со Turkish Airlines. Откако ќе слетаме во Софија, со организиран трансфер се упатуваме кон Скопје. Пристигнуваме во Скопје после полноќ, околу 02:00ч.